ፕሬዝዳንት ኦባማና አፍሪካ

ፕሬዝዳንት ኦባማ በመጀመሪያ ተመርጠው ወደ ስልጣን ሲመጡ ፣ በርካቶች የአፍሪካን አህጉር ትኩረት ያደርጋሉ ብለው ተስፋን ሰንቀው የነበረ ቢሆንም የኦባማ ትኩረት ግን አሜሪካ ላይ ሆኖ ቀርቷል ። አሜሪካ ከ 1930 ዎቹ ወዲህ በታሪኳ ከታላቁ የምጣኔ-ሀብት አዘቅት ለመጀመሪያ ጊዜ የገባች ሲሆን ይህም ኦባማን ትኩረታቸውን በአሜሪካ የውስጥ ጉዳይ ላይ እንዲያደርጉ አስገድዷቸዋል ።

በአንድ በኩል አሜሪካ ራሷ በገጠማት ከባድ ምጣኔ-ሀብታዊ ቀውስና የመካከለኛው ምስራቅ ማለትም በኢራቅና በአፍጋኒስታን ባካሄደቻቸው ወታደራዊ ዘመቻዎች ሳቢያ ፣ የኦባማ አስተዳደር ትኩረቱን ወደ ውስጥ ለማድረግ ተገዷል ።

ምንም እንኳን ፕሬዝዳንት ኦባማ በተመረጡ ሰሞን ወደ ጋና ብቅ ብለው ፣ ለአፍሪካ አምባገነኖች ምንም አይነት ቸልተኝነት እንደማይኖር ገልፀው የነበሩ ቢሆንም በተግባር ግን የአሜሪካ ፖሊሲ ከአፍሪካ ዲሞክራሲ ይልቅ ለራሷ ብሄራዊ ጥቅም ሆኖ ዘልቋል ። « ጥቅም እንጂ ወዳጅ የላትም» የምትባለው አሜሪካ የአለም አቀፍ ግንኙነት መርሆዋ ብሄራዊ ጥቅሟን ማስከበርን ያስቀደመ እንደሆነ አለም ያወቀው ፀሀይ የሞቀው ጉዳይ መሆኑ ይታወቃል ።

በአብዛኛው ብዙውን ጊዜ የአሜሪካን ፕሬዝዳንቶች ወደ ስልጣን ሲመጡ መጀመሪያ ላይ ለአፍሪካ ትኩረት እናደርጋለን ቢሉም ፣ በተግባር ግን የሚጠበቀውን ሳያደርጉ የስልጣን ዘመናቸው ያበቃል ። ይህም ብቻ ሳይሆን በአብዛኛው ለአፍሪካ አህጉር እርዳታ በማድረግ ላይ ብቻ ያተኮረ ፖሊሲንም ነው እሚከተሉት ይህም በአንድ በኩል በተራው በቂ ስለማይሆን ፣በሌላ በኩል ደግሞ እርዳታ ብቻውን የኢኮኖሚ ለውጥን ስለማያመጣ የንግድ ትስስርን ማድረግ ዝም ብሎ እርዳታ ከመስጠት የተሻለ መሆኑ ይታወቃል ። ይህም በአጠቃላይ የአሜሪካ ፖሊሲ አፍሪካ ላይ መስራቱ አጠራጣሪ ነው ።

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s